Rolly Brings

  • Beitrag von Compikoch ()

    Dieser Beitrag wurde vom Autor aus folgendem Grund gelöscht: Falsche Reihenfolge ().
  • Caput V - (d'r drette un letzte Deil vun Caput V)
    -
    Oh förch nit, minge Vatter Rhing,
    Spott un Jux vun dä Franzuse;
    Se sin die ahl Franzuse nit mih,
    Och drage se andere Botze.
    -
    Die Botze sin rut un nit mih wieß,
    Se han och andere Knöpp,
    Se singe nit mih, se springe nit mih,
    Se senke nohdenklich die Köpp.
    -
    Se philosopheere un spreche jetz
    Vun Kant, vun Fichte un Hegel,
    Se rauche Tubak, se drinke Bier,
    Un mänche schibbele och Käjel.
    -
    Se wääde Philister janz wie mer
    Un drieven et am Engk noch ärjer;
    Se sin kein Voltairianer mih,
    Se wääde Hengstenberger.
    -
    Dä Alfred de Musset, dat es wohr,
    Es noch ne Jassejung;
    Doch förch nix, mer fessele im
    Die schändlije Spötterzung.
    -
    Un trommelt hä dir ne schläächte Wetz,
    Su piefe mer im ne schlemmere,
    Mer piefe im vör, wat im passeet
    Bei schöne Frauezemmer.
    -
    Jevv dich zefridde, Vatter Rhing,
    Denk nit aan schläächte Leeder,
    E besser Leed vernemms du baal.
    Adjüs, mer sinn uns widder.



    Keine Fotobeschreibung verfügbar.

  • Caput VI ( ... d'r eeschte Deil ... )
    -
    Dä Paganini akkumpaneete stets
    Ne Spiritus familiaris,
    Mänchmol als Hungk, mänchmol en Jestalt
    Vum sillije Georg Harris.
    -
    Napoleon soch ne rude Mann
    Vör jedem wichtije Ereichnis.
    Sokrates hatt singe Dämon,
    Dat wor kein Heenerzeuchnis.
    -
    Ich selvs, wann ich am Schrievdesch soß
    Des Naaks, han ich jesinn
    Zewiele ne vermummpte Jass
    Unheimlich hinger meer stonn.
    -
    Ungerm Mantel heelt hä jet
    Verstoche, dat komisch blinkte,
    Wenn et zom Vörsching kom, e Beil,
    E Reechtbeil, ze sin meer dünkte.
    -
    Hä schung vun ungersetzter Statur,
    Die Auge wie zwei Stääne,
    Hä störte mich beim Schrieve nie,
    Blevv räuhich stonn en d'r Fäände.
    -
    (C) Op Kölsch vun Rolly Brings ( ... weed fottjesatz ... )



    Ist möglicherweise Kunst von 1 Person

  • Caput VI ( ... d'r zweite Deil vun Caput VI ... )
    -
    Zick Johre hatt ich nit jesinn
    Dä sonderlije Jesell,
    Do fung ich in op eimol widder he
    En d'r stelle Mondnaach zo Cölle.
    -
    Ich flaneete am Senne de Stroß elaans,
    Do soch ich in hinger meer jonn,
    Wie wann hä minge Schadde wör, un stund
    Ich stell, su blevv hä stonn.
    -
    Blevv stonn, wie wann hä waadt op jet,
    Un födderte ich de Schritte,
    Dann folchte hä widder. Su kome mer
    Bes op die Domplatz-Medde.
    -
    Et woodt meer ze vill, ich drihte mich öm
    Un sproch: Jetz stand meer Redd,
    Wat folchs du meer op Wäch un Stäch,
    He en dä näächlije Öd?
    -
    Ich treff dich immer en dä Stund,
    Wo Weltjeföhle spreeße
    En minger Bruss un durch et Heen
    Die Jeistesbletze scheeße.
    -
    Du sühs mich aan su steer un fass -
    Stand Redd: Wat verhölls du
    He unger dem Mantel, dat steekum blink?
    Wä bes du un wat wells du?


    Ist möglicherweise Kunst von 1 Person

  • Caput VI ( ... et jeiht wigger mem letzte Deil vun Caput VI ... )
    -
    Doch dä erwidderte em drüjje Ton,
    Sujar e bessje phlegmatisch:
    "Ich bedde dich, exorzeer mich nit,
    Un wääd nor nit emphatisch!
    -
    Ich ben kei Jespens vun d'r Verjangeheit,
    Keine jraventsteejene Strühwisch,
    Un vun Rhetorik ben ich keine Fründ,
    Ben och nit ärch philosophisch.
    -
    Ich ben vun praktischer Natur,
    Un immer schweichsam un räuhich.
    Doch dun wesse: wat du ersonne em Jeis,
    Dat föhr ich us, dat dun ich.
    -
    Un jonn och Johre drüvver hin,
    Ich räste nit, bes ich verwandele
    En Wirklichkeit, wat du jedaach;
    Du denks, un ich, ich handele.
    -
    Du bes dä Reechter, dä Büttel ben ich,
    Un met dem Jehorsam vun nem Knääch
    Vollstreck ich dat Ordeil, dat du jefällt,
    Un es et och en unjerääch.
    -
    Dem Konsul droch mer e Beil vöraan
    Zo Rom, en ahle Dage.
    Och du häs dinge Liktor, doch weed
    E Beil dir nohjedrage.
    -
    Ich ben dinge Liktor, un ich jonn
    Beständich met dem blanke
    Reechtbeil hinger dir - ich ben
    Die Tat vun dingem Jedanke."


    Ist möglicherweise ein Bild von eine oder mehrere Personen und Text „Reihe Hanser Werkausgabe HEINRICH HEINE SÄMTLICHE SCHRIFTEN IN ZWÃLF BĂNDEN HERAUSGEGEBEN VON KLAUS BRIEGLEB BAND 7: 1837- 1844 18 7“

  • Caput VII ( ... d'r eeschte Deil vun Caput VII ... )
    -
    Ich jing noh Huus un schleef, wie wann
    Die Engele jeweech mich hätte.
    Mer rauht en dütsche Bedder so weich,
    Denn dat sin Fedderbedder.
    -
    Wie sehnt ich mich off noh dä Sößichkeit
    Vum vatterländische Kesse,
    Wann ich op haade Matratze loch,
    En dä schloflose Naach vum Exil.
    -
    Mer schlöf ärch jot un dräump och jot
    En uns Fedderbedder.
    He föhlt die dütsche Siel sich frei
    Vun all dä Äädekette.
    -
    Sei föhlt sich frei un schwingk sich rop
    Bes aan die hühkste Himmelsräum.
    Oh dütsche Siel, wie stolz es dinge Flog
    En ding näächlije Dräum!
    -
    Die Jödder erbliche, wann du nohs!
    Du häs op dingem Wäch
    Su mänch e Stäänche usjeputz
    Met ding Flöjelschläch.
    -
    Franzuse un Russe jehööt et Land,
    Et Meer jehööt dä Brite,
    Mer ävver besetze em Luffrich vum Draum
    Die Herrschaff unbestredde.
    -
    He übe mer die Hegemonie,
    He simmer nit zerstöckelt;
    Die andere Völker han sich
    Op platter Ääd entweckelt. - -
    -
    (C) Op Kölsch vun Rolly Brings ( ... weed fottjesatz ... )
    -
    Deutschland - ein politischer Flickenteppich in den 1840er Jahren, als Heine "Deutschland - Ein Wintermärchen" schrieb.



    Ist möglicherweise ein Bild von Karte und Text „324 Zeitalter der Restauration und Revolution Deutschland DANEMARK (1815-1848) GROSSBRITANNIEN Helgoland (brit.) JOBECK BREMEN HAMBG Danzig 5 HANNOVER Berlin Gnesen 39 Bundesstaaten Kaiserreich 5 Königreiche Kurfürstentum Großherzogtümer: BADEN ÛESSEN- DARMSTADT LUXEMBURG MECKLENBG.- SCHWERIN MECKLENBG.-STRELITZ OLDENBURG SACHSEN-WEIMAR 10 Herzogtümer: BRAUNSCHWEIG HOLSTEIN NASSAU SACHSEN-ALTENBURG S.HILDBURGHAUSEN S.-COBURG-GOTHA S.-MEININGEN ANHALT-DESSAU A.-KOTHEN A.-BERNBURG PREUSSEN Posen PREUSSEN Köln HESSEN Marigi Bonn Mainy * Breslau FRANKFURT Luxembu umbach Münchengrätz Karlsbad Prag Rastatt Erlangen Troppau Freibg. WURTTEMBG. Tübingen BAYERN Ulm OSTERREICH München Wien UNGARN Fürstentümer: Freie Städte Bundesgrenze Abtretungen *Innsbruck NEUENBG. SCHWEIZ Der Deutsche Bund 1815-1848 Graz * Erwerbungen Bundesfestungen * Universitäten“

  • Caput VII ( ... et jeiht wigger mem zweite Deil vun Caput VII ... )
    -
    Un wie ich enschleef, do dräumpte meer,
    Ich flaneete widder em helle
    Mondsching die hallije Jasse elaans
    En dem alderdümlije Cölle.
    -
    Un hinger meer jing widder her
    Minge schwatze, vermummpte Kumpan.
    Ich wor su möd, meer broche de Knee
    Doch immer jinge mer vöraan.
    -
    Mer jinge wigger. Mi Hätz en d'r Bruss
    Wor klaffich opjeschnedde,
    Un us dä Hätzenswund hervör
    Die rude Droppe jledde.
    -
    Ich stippte mänchmol die Finger eren,
    Un mänchmol es et jeschonn,
    Dat ich die Huusdörfoste bestrech
    Met dem Blot em Vörüvverjonn.
    -
    Un jedesmol, wann ich e Huus
    Bezeichnet hatt op su en Wies,
    Et Stervejlöckche klung vun fään,
    Wihmödisch wimmerich un leis.
    -
    Am Himmel ävver woodt bleich dä Mond,
    Hä woodt immer dröver;
    Wie schwatze Rösser jaachten aan im
    Die wilde Wolke vörüvver.
    -
    Un immer jing hinger meer her
    Met singem verstoche Beil
    Die dunkle Jestalt - su wanderte mer
    Wall en jode Wiel.
    -
    Mer jinge un jinge, bes mer zoletz
    Widder am Domplatz aanlangte;
    Wick op stunde die Pooze do,
    Mer sin erenjejange.
    -
    (C) Op Kölsch vun Rolly Brings ( ... weed fottjesatz ... )
    -
    Foto: Michael Mayé
    Am Himmel ävver woodt bleich dä Mond ...


    Ist möglicherweise ein Bild von Nacht, Natur und Himmel

Jetzt mitmachen!

Sie haben noch kein Benutzerkonto auf unserer Seite? Registrieren Sie sich kostenlos und nehmen Sie an unserer Community teil!