Die Sparkasse Köln/Bonn bietet ab sofort Online-Banking op Kölsch.
Hier der Text der Begrüßungsnachricht:
Maht Üür Bankgeschäfte op Kölsch un kölsche Aat!
Mer freuen uns üvver Üür Interesse an unsem kölsche Internet-Banking. Wann Ehr als Online-Banking-Notzer freigeschaldt sid, künnt Ehr vun jetz an Üür Bankgeschäfte op Kölsch erledige met ener Hääd vun Funktione rund öm Üür Konte - met unsem kölsche Internet-Banking künnt Ehr vill mih wie bloß jet üvverwiese.
Secher, flöck, bequäm un ganz einfach zo bedeene - vörusgesatz Ehr künnt Kölsch. Bankgeschäfte op Kölsch einfach üvver et Internet - ohne en zosätzliche Software installiere zo müsse!
Met unsem kölsche Internet-Banking sid Ehr luuter met uns en Verbindung - üvverall un unavhängig vun Öffnungszigge un en der schönste Regionalsproch vun der Welt! Ehr brutt bloß enen Internetaanschluss un schon künnt Ehr secher un bequäm Üür Bankgeschäfte op Kölsch avweckele.
Ehr sid noch nit för et Internet-Banking freigeschaldt? Dann heiß et ävver: Loot Kood scheeße! Wie dat geiht, erfaht Ehr, wann Ehr en dä räächte Spald der Quicktipp op Kölsch starte dot!