Beiträge von Compikoch

Die Fragestellung war falsch.

Nicht: Was bin ICH, sondern: Was ist DAS?

Wie Escape richtig bemerkte, zielt die Frage auf den ab, der durch die Türen geht. Da kann die Antwort nicht "T-Shirt" sein.

Da fällt mir Gummi-Kluth in Riehl ein. Xantener Straße?

Der verstorbene Vater meiner geschiedenen Frau (Tolle Kombination ) hat dort gearbeitet.
Als ich Gabi kennen lernte, zeugte noch eine große Kiste voller Badekappen davon.

Nein.

Hemd und Jacke haben nur je zwei Türen (Ärmel)

Hä stund do, die Repp vum Adam in de rächte Hand und üvverlahte, wat ze dunn wör. Hä driehte sich no links und marschierte schnurstracks en Sing Brasselsbud. Met Sinder freie Hand dät Hä dä janze Krempel, dä noch op dem Arbeitsdesch eröm loch, op de Ääd fäje.

Hä platzehte die Repp meddem om Desch und jingk langsam met om Rögge verschränkte Ärm öm dä Desch eröm. Dobei schöddelte Hä immer widder Singe Kopp. "Ich hann et jewoss. Nur met einer Repp jit dat nix", knötterte Hä.

Do fehl Singe Bleck op dat Rejal met dä janze Keste. Janz bovve links stund die mit dä Aufschrift: MINSCHE

Hä packte sich die Kess op d´r Desch un luurte eren. "Vell es dat jo och nit. Ich hat jedaach, et wör jet mieh. Dat kann doch nit alles für dä Adam dropjejange sinn...?"

Un dann fehl Ihm plötzlich en, dat eins vun dä Engelcher met singe Finger in dä Kess jekros hat, öm Aape ze schaffe. "AAPE! Verd.....! Jetz es et ze spät! Dat Zeuch fählt mir jetz für dat Mädche vum Adam! Dress!"

"Äwwer et nötz jo nix. Ich muss met dem, wat ich han, parat kumme."

Hä kippte die Kess neven d´r Repp om Desch us un beluurte sich dat Janze vun alle Sigge. Hä rahfte sich ens he jet, un ens do jet. Un immer schöddelte Hä met Singem Kopp.

Endlich soch et esu us, als wenn Hä ne Entschluss jefass hätt. Hä leeß Sing Finger fleje und wie durch Zauberei nohm ein Fijur Gestalt an. Et duurte äwwer kein drei Minutte (Zwei Daach...ihr wesst, wie Hä dat met d´r Zick hält), bes Hä die Fijur wödisch widder usenader roppte.

Su jingk dat die janze Zick: Simmeleere, baue, kapott maache. Hä wod als immer krabitzijer. Us Singem leise Jeknöttere wod laut Schänge. "Ich han mir äwwens die Diere noch ens jenau beluurt. Do han die Mädche all sech bes aach Brüstcher. Wie sull ich dat met dem bessje Material maache?! Dä Adam kann mich ens jähn han. Sing Jefährtin krett zwei dovun. Basta!"

Hä hat dat noch nit janz usjesproche, als Ihm klor wod, wat dat für Konsequenze hat.

"Met zwei Brüstcher kann dat Mädche kein sechs oder ach Junge satt krieje. Dat flupp nit. Also muss ich jet maache, dat et nit esu vell Pänz op eine Rötsch en de Welt setze kann.... Ich künnt dä Engel met singer Aape.....!"

Dat janze Schängeleere dät äwwer nix nötze. Hä mot wiggermaache. Stunde späder wischte Hä sich die letzte Lehmkrümmelcher vun de Finger, luurte sich Sing Werk noch ens vun alle Sigge aan, un sproch: "Mieh wor us dä Repp leider nit eruszeholle. Et deit mir jo leid, Mädche, äwwer du wes dich zukünftich schminke mösse."

Do süht mer ens, wat et all für Folje hat, dat dä Engel sing Finger nit us d´r Minschekess losse kunnt!

"Adam," reef Hä, "dunn dir dat Weib he ens beäuje."

.....Kein Reaktion.

"ADAM!"

.....Nix.

"Ich Doof! Dä es jo noch usgeschalt!" Hä stuppten Adam höösch für sing Stehn. Adam, der zick Woche op dem selve Fleck stief gestande hat, schöddelte sich. "Wo ben ich?"

Die Dach jeiht et wigger.

Ich habe mich entschlossen, den letzten Teil der Geschichte quasi life zu schreiben.Will heißen: Ich schreibe nichts in Word vor, sondern tippe die Sätze (oder auch Absätze) so hier rein, wie sie mir einfallen. So kann es dann passieren, dass sich ein paar Tage gar nichts tut, und dann wieder eine ganze Seite auf einen Rutsch erscheint.

Es hat jetzt ein paar Tage gedauert, bis ich mich mit meinen Figuren wieder anfreunden konnte. Ich hatte den Kontakt zu ihnen verloren.

Gleich nach dem Abendessen (überbackener Blattspinat mit vieeeeel Knobi) geht es mit der Erschaffung von Eva weiter.

Hä hat schlääch jeschlofe un luuter domm Zeuch jedräump. Vun brungem Wasser…..

Hä wollt als ene Brüll looße, als Hä hinger sich ei dönn Stemmche hüüre dät: „Scheff, hann ich Dich verschreck…?“ „Enää, wie küste dann dodrop.?!“ (Als Leeve Jott lieht m´r sich jo nix anmerke) Ariel stund hinger Ihm. Ariel wor d´r Vürarbeider vun Singer Engelcher. „Scheff, m´r künne lossläje. M´r sulle doch dä Knibbelskrom met dä Blömcher un esu erledije. Ich han ming beste Lück dobei.“

„Ich jläüve, dat ich mir für dä Tuppes dat Eva spare kann. Dä es jenöchlich. Dem rich dä Adam…“, jrummelte Hä.
„Et es schon lang övver Meddach. Schwaade künne m´r späder. Seht zo, dat die Keste leer wäde. Ariel, ich jonn jet müffele.“

Nohdem Hä satt wor (Et jov Manna), hät Hä sich noch ei Stündche op et Ohr jelaat. Jäje vier Uhr schrok Hä huh! Hä hat verschloofe. Dat wor Ihm als ewig nit mie passiert. Su flöck Hä kunnt, leef Hä no drusse un driehte dä Kopp en alle Richtunge.

Hä hat sich ävver ömesöns Sorje jemaat. Alles leef no Plan. Nur….wat wor dann met dem Jrüppche Engelcher loss, wat do hinge eröm stund, statt ze arbeide? Hä jingk jet nöher und soch ne rosa Hillijesching in d´r Medde erus stippe. „Wat es da he loss ?!“, donnerte Hä. Die Engelcher spritzten useinander, als wör d´r Düüvel persönlich zwesche se jefahre.

Nur Engel Detlev stundt wie ei Standbild do; die Leppe jespetz und zwesche d´r Fingere ei Ketteblömche. (Vell,vell späder dät m´r die Pustebloom nenne) Hä wullt jrad blose, als hä vun Engel Pitter ne Knuuz en de Rebbe kräht. Er driehte sich wödisch eröm und stund Aug en Aug mit dem Leeven Jott…

„Herr, ich…..“ „Wat dann noch?“

„Herr, ich hann d´r janze Daach die Arbeid met dä finge Blöömcher jehat. Ich dät su jän ens ene richtije Baum planze.“

„So, so.. ne richtije Baum. Kumm ens nöher, ich well m´r ding Maue ens beluure. Für ne Baum bruchste jet en d´r Ärm.“

Detlev spannte sing Muskele aan, dat dat Ruud em Jeseech no ne Ton dunkler wod. D´r Leeve Jott jingk einmol öm Detlev eröm. „Hm, dat mööt ricke. En d´r Werkstatt ston noch zwei Keste. Op dä kleine steht ‚Bonsai’. Die schnappste dir. Un maach ding Arbeid jründlich. Ich luure no.“ Hä driehte sich flöck fott, domet Detlev dat Jrinse nit sinn kunnt.

Er packte sich die Bäum us d´r Kess und planzte d´r janze Püngel ohne hinzeluure irjendwo en die Ääd. Su kom et, dat et die Bonsais nur en einem Land joov. Japan wod dat späder jenannt.

Un mir han jeliehrt, dat d´r Leeve Jott mänchmol ne janz schön fiese Möpp sin kunnt. ;-))Et wor noch stechendüster am nächste Morje, als Hä huhschrecke dät. Hä hürte leis Jefispels un Jetrippels. Er luurte us singem Finster un bleckte üvver ei Meer vun Hillijesching, die all hösch lööchte däte. Deech an deech stund eine Engel nevve dem andere. „Ich han jesaaht, se sulle nit ze spät kumme. Ävver doch nit für´m eechte Kaffee…“, brummte Hä.

En dä Sekund fing die Sonn aan ze strahle. Jetz kunnt Hä alles jenau erkenne. Engel Ariel stund direktemang für Ihm. „Ariel, wo häste dann dat janze Personal her?“ „Och, Här, ich han noch Engelcher vum Osthimmel kumme losse. Die schwaade jet eije, ävver se solle jo och nit die Schnüss jon losse, sundern brassele. Engel Mirko, kumm ens eraan!“

Hä driehte sich no´m Leeve Jott eröm: „Mirko es d´r Vürarbeider vun dä Ossis, wie ich die nenne,“ jrinste hä despekteerlich. „Saach dem Här ens joden Daach.“ „Guden Dach, Herr Scheffschn. Ich bin der Mirgo. Und des ist meine Baggasche do hinden. Ich will geene Zeit verblembern. Aber erst noch eene Bemme und ebbes zum Didschn. Dann ganns losgehen.“

„Wat hät dä jesaaht, Ariel??“ „Er will noch flöck ei Brütche un jet Kaffee zom Stippe.“

„Halt mir nur jo dä Komiker vum Liev,“ flösterte Hä Ariel zo. Hä klatsche laut en sing Häng. „Hüürt ens all jot zo. M´r maache hück die Diere. Ävver weil ich noch wäje dä Saach met dä Minsche jet ze prakeseere han, han ich üch nur ei paar Musterdiere zesammejebrasselt. Dä Ress möht ihr maache. Ich will Diere, die fleje künne, Diere, die op un unger Wasser schwemme künne, Diere, die laufe künne. Ich will jroße un kleine Diere. Diere, die daachsüvver und Diere die em Düstere wach sin. Diere, die höppe, un Diere, die en d´r Bäum erömklemme. Die Werkstatt es voll met Krom, dä ihr nemme künnt. Nur dat mir keiner aan die Keste jeht, wo „Minsche“ drop steiht.“

Hä dät sich ömluure. „Engel Detlev! Kumm ens erövver! „ Für dich han ich jet besunderes. Du häs dich jestere su met dä schwere Bäum afplacke mösse; Hück bes Du minge Fachmann för die janz kleine Diere. Ich well nämlich och noch Diere, die esu klein sin, dat m´r se kaum süht. Schnapp dir ei paar vun dinger rosa Fründe und jef Jas.“

Detlev verdriehte sing Auge un jingk met hängende Scholdere zo dä andere zerück. Do hat hä sich jestere met singer jroße Schnüss keine Jefalle jedonn.

Kaum wor d´r Herrjott en singer Bud verschwunde, stürmten die Engelcher dat Lager. Met Keste und Büggele bepack dät sich jeder ei frei Eckelche söke un maat sich an die Arbeit. Alles, wat an Diere fädisch wod, wod fing no Aate sorteet op ene jroße Haufe gestiffelt. Dä Diere dät dat nix usmaache. Die wore jo noch ohne Levve. Et wor ei jrandios Schauspell. Wohin du blecke däts, nix als Feddere, Hoore, Flüjelcher, Hööner, Beincher,Schuppe för de Fesch. Un övver allem ei Stemmejewirr wie hückzedaach, wenn dä FC widder zwei Tore zeröcklijje deit.

Nur dat Jrüppche öm Detlev wor räuhich. All soßen se em Schneidersitz em Kreis und piddelten an dä Einzeller un Amöben eröm. Jäje vier Uhr stiffelte Hä op d´r Platz. Schlachartich wor Rau. M´r kunnt en Nodel falle hüüre.

„Dann well ich doch ens luure, wie wick ihr sid. Us d´r Fän süht dat als janz ödentlich us. M´r maache dat jetz esu: Ich holle mir ne Stohl und setze mich. Ich ben jet möd vum velle Denke. Ihr stellt üch in Reihe op un bringt mir die Diere, domet ich denne Levve enhauche kann.“

Hä hockten sich am Rand vum Platz op Singe Stohl un eine Engel noh dem andere zeichte dem Leeve Jott, wat hä zesammejebastelt hat. Un Hä dät die Diere dann aanhauche, domet Levve en se erinkom. Beim Detlev un singer Kumpane wor dat einfach. Die hatte jrad ens nen halve Emmer voll. Dat wor für Ihn met eimol aanblose erledich. Av un zo stellte Hä nem Engel ens ein Froch: „Wie wellste dat Dier he nenne?“ „Och, Här, ich daach, dat künnt m´r Elefant rofe.“ Oder: „Beste secher, dat du dat Tyrannosaurus nenne wells?“ Su jingk dat en janze Wiel. Bes Hä op eimol nen Brüll vun sich jov: „Wors Du etwa an dä Keste, wo ‚Minsche’ dropsteht!!??“

Dä Engel stund do, wie ne bejossene Pudel. „Här, ich wullt doch nur alles janz besonders jot maache. Un irjenswie dät mir für dat Dier jet fähle. Do han ich ei janz klei Eckelche us dä Kess jenomme.“ „Aha….wie wellste dat Dier dann nenne?“ „Ich hat gedaach, Aap dät janz jot passe….“

Un su jingk dä Daach och eröm. Hä wor durch dat velle Anpuste ärch hinger Luff. Obwohl dat Hä nie jepief hat. Jetz han m´r die Erklärung worüm et su velle Aate Diere jit. Un dat met dä Aape es jetz och kei Jeheimnis mieh.

Ich wollt üch jo verzälle, wie dat met dä Minsche wiggerjingk. Ävver wat soll ich sage: Als ich am andere Dach an die Pooz vun Singer Bud kloppe dät, es alles janz stell jeblevve. Kei Tönche. Nur janz fän hürte ich ei leis Schnarkse. Hä wor noch am schloofe. Un su stiffel ich zick Woche jeden Morje dä lange Wäch vun minger Bud no Singer Bud. Und widder zeröck. Die andere Engelcher wäde schon habbelich. Selvs dä Mirko kütt un fröch, wat loss es.

Vürjestere dann nohm ich all minge Mot zesamme un han an die Pooz jeklopp. Dat Schnarkse hoht op, wie affjeschnedde. Mir rötschte et Hätz en de Botz.

„Wat es loss?! Wä stührt mich beim Meddachsschloof?“ „Här, ich ben et, Ariel. Ich kumme zick fünnef Mond jeden Dach erop öm ze luure, wann m´r met dä Minsche anfange künne.“

„Papperlapapp! Domm Zeuch. Fünnef Mond! Ich han mich vör zehn Minütcher ech hinjelaat. Nit ens en Rau schloofe kammer bei üch. Ich trecke mich jlich an. Un met dä Minsche dat mache m´r morje fröh. Jetz loss mich zefredde!“

Ich verjesse immer widder, dat Hä ei janz ander Jeföhl für Zick hät. Ävver ich wor fruh, dat et wiggerjingk.

„Noch jet,!“ brüllte et hinger mir her, „Kumm morje allein! M´r mache ech ens ne Prototyp. Do kann ich dä Detlev und dä Mirko nit bei bruche!“

Dachsdrop stund ich fröh an Singer Döör. Schon vun fäns wor ei fröhlich Piefe us Singer Werkstatt ze hüre. „Ariel, bes du dat? Kumm her. Ich ben als bahl fädisch.“

Hä soß op Singem Stöhlche un hat für Sich op dä Töpferschiev ei Pöppche us Ton jebastelt. „Här, dat süht jo bahl us, wies Du!“ „Dat well ich och jehoff han. Dat wor vum Künstler esu jewullt.“ „Kumm ens jet nöher. Beluur dir ens die Auge. Soll ich die blau losse, oder denkste, dat jrön besser ussüht?“

Ich wod direkt jet jrößer vür luuter Stolz, dat Hä mich öm ming Meinung froge dät. „Scheff, m´r künne doch späder bei d´r Serienfertijung jröne, blaue un vielleich och brunge un schwatze Auge maache.“ „Dat hat ich och esu jeplant. Wullt nur ens luure, ob Du metdenks.“ Do hat Hä mir widder d´r Wind us de Sejele jenomme.

Hä hät wohl jemerk, dat ich jet anjepieselt wor. „Wat denkste? Süht dä mir ähnlich jenoch?“ Ich jingk jet nöher, driehte jaanz hösch an d´r Schiev und luurte immer zwesche dem Pöppche und dem Leeve Jott hin un her. „Dä hät jo en richtije Blötschnas. Dat dät ich noch ändere.“

Hä fuhr met nem janz finge Spatel övver die Nas. „Besser?“ „Perfekt, Scheff. Wie Dir us´m Jeseech geschnedde.“ „Jot. Dann well ich ens zosinn, dat dat Kählche an et Laufe kütt.“ Hä schnippte dem Fijürche janz behutsam met Singem Zeijefinger en et Kreuz. Ävver nit behutsam jenoch. Dat ärme Kählche floch wie´n Raket Richtung Pooz. Zom Jlöck han mir Engelcher en jode Reaktion. Ich han dä Kähl us d´r Luff jeplöck und widder op die Schiev jestellt. Jetz kunnt ich ihn och janz leis odeme hüre. Et wor Levve en ihm.

„Hür ens zo, Jung“, sproch Hä dat Minschepöppche an, „Ich nenne dich Adam. Dat do hinge es die Äd. Do packe ich dich jlich drop. Op dä Äd fingste alles, wat du zum Levve bruchs. Bäum un Blome un Diere un Wasser. Nächste Woch öm die selve Zick treffe m´r uns he widder. Dann verzällste mir, wie et dir jefällt. Un jetz Abmarsch!“

Hä packten sich Adam und wollt ihn jrad op d´r Äd afsetze, als Hä stutzte. „Ariel! Breng mir ens ming Lurmaschin. He stemmp jet nit.“ Met d´r Brell op Singer Nas beluurte Hä Adam janz us d´r Nöh. Hä dät mem Kopp schöddele. „Ich Dösbaddel! Ariel, ich hann ob d´r rächte Sick en Repp mieh enjebaut wie op d´r linke. Jetz bliev dat esu. Wer weiß, för wat dat jot es.“

Un domet setzte Hä Adam op d´r Äd aff, wo der direktemang en d´r nächste Wald steppte. Dat Janze wor ihm wohl nit jeheuer. „Ariel, für hück es Fierovend. Mir zwei treffe uns nächste Woch un hüre ens, wat Adam ze verzälle hät. Breng die andere met. Och dä komische Haufe vum Osthimmel. M´r bruche Jede zum Anpacke.“

Ihr künnt üch vürstelle, dat dat met der eine Woch als widder jet länger jedort hät. Hä hät ei komisch Jeföhl för Zick. Für uns Engelche wore dat locker sibbe Mond, wenn nit aach. Äwwer och dä Adam leeß sich net blecke. Als wenn Hä dem Kähl sing eijene ennere Uhr einjebaut hät…

Mir Jecke hatten op d´r Wies vür Singer Bud Zelte opjeschlage un uns die janze Zick vun Bremse zersteche losse. Wenn ich wöß, welche bekloppte Engel domols die Bremse jemaht hät; ich dät ihm die Flöjelcher einzeln usrieße. Von bovven bes unge dä janze Liev zerstoche. Ich künnt m´r jot vürstelle, dat ne Minsch nit mieh als 100 Stech verknuse kann, befür dat dä en et Jras bieß. Ich kumme vum Thema fott. Wat wollt ich sage? Ach jo: Jestere öm de Meddach eröm, jing Sing Pooz met nem janz erbärmliche Quiekse op. Hä hat se wohl schon länger nit mieh jeölt. Mer schosse us unsere Zelte erus. Dä bekloppte Detlev wor esu flöck, dat hä verjesse hat, d´r Rießverschluss vum Zelt opzemaache. Hä kullerte, enjeweckelt en singem Mobilheim dem Här jenau vör de Föß.

Hä schöddelte nur mem Kopp, reckte sich, un sproch: „Et es Kaffeezick. Kutt eren.“

Hä hat dat kaum jesaht, als sich die Bösche nevven Singer Hött deilte, un Adam hösch d´r Kopp erus strecke dät. Leev Lück, dä soch us, als hät hä met ner janze Häd Elefante jekämpf. Von bovven bes unge voll met Bühle un Schramme.

„Wat zum Düvel……!?“ reef Hä verbastert. Ihr künnt m´r jläuve, dat Hä ärsch selde dat Woot en de Muul nohm. „Wat häs du dann jemaht?“

„Här, hür m´r bloß op,“ jömerte Adam, „Du jläufs nit, wie jefährlich dat op d´r Ääd es. Diere, die esu klein sin, dat Du Dir nix Schlächtes dobei denkst. Un dann zappen die dir et janze Bloot avv. Ich jläuv, die heiße Bremse. Und dann die Blömcher. Eins schöner, als et andere; äwwer die Biester wesse sich ze wehre, wemmer se plöcke well. Ich han mir an esu nem Rüsche ärsch de Fingere zerstoche.“

„Jo, dat hürt sech jo schlemm aan, äwwer du bes jo üwwerall bletzeblau un jrön. Dat kütt doch nit nur von dä Ruuse!“

„Nä, Här. Ich ben aanfangs vell jelaufe. Irjendwann hann ich dann usklamüsert, dat m´r sech vun einer Liane no d´r nächste vell flöcker bewäje kann. Jooo, un dann hat sech die letzte Liane jewehrt. Ich jläuv, Du nennst dat Biest Schlang. Ich han ihr ne decke Appel an de Kopp geschmesse, äwwer se hat mich zweche. Wor nix ze maache. Wenn ich ihr nit en d´r Stätz jebesse hätt, wör ich jetz wohl dut“.

„Ich denke, dat einzije, wat bei dir dut es, es dat Heen. Kumme ens jet nöhter, ich blose dir jet Jöttliche Odem en dinge hohle Kopp“. Hä böckte sich, schnappte sich Adam und dät ihm foosch en et linke Ohr blose.

Et jov ene jrelle Bletz; Adam stunte sing Hoor ze Berch un hä schwebte zehn Zentimeter üvver´m Jras, bevür hä met singer Fott op de Ääd knallte un wie ne naaße Hungk de Kopp schöddelte. „Här! Ich ben erleuchtet“!

„Jung, dat wor jrad ens ein Zwanzich-Watt-Bir, die ich dir do anjemaat han. Un mieh es och nit jot für dich. Jetz verzäll uns äwwer endlich ens, wie et dir op d´r Ääd esu erjange es un op alles, wat ich erfunge un erschaffe han, och fing harmoneet.“ „Bevür du äwwer anfängs zeverzälle, jonn mir all en ming Bud. D´r Kaffee es durchjelaufe.“

Dä janze Verein knubbelte sich in Singer Bud öm dä runde Desch eröm. Su klein, wie dat Bredderbüdche vun usse och wirkte; drinne wor platz ze basch. Flöck hat jede Engel sich nen Hocker jesök. Nur für Engel Detlev wor keine mie do. Er stund met rudem Kopp nevven d´r Kaffemaschin. D´r Leeve Jott fing an ze laache: „Du stehst do, wie bestellt un nit affjeholt. Bring Tasse un die Kaffekann. Mir han Doosch.“ Noch während Detlev met muuzelijem Jeseech Kaffee us d´r Kann, die nie leddich wod, enschödde dät, fing Hä widder an ze spreche:

„Adam, kumm jet nohter, un verzäll. Es die Ääd, wie ich se jeschaffe han no dinger Mötz? Oder jit et jet ze verbessere?“

„………“

„Nu trau dich, jet ze sage. Ich bieße dich nit. Wenn ich jet ändere soll, will ich dat hück wesse, un nit in dausend Johr.“

„Här,“ dröckste Adam eröm, „bes op die Bremse, die Schlange, und at andere Viehzeuch, wat einem et Levve schwer mäht, es die Ääd als bahl perfekt. En klitzekleine Kleinigkeit hät ich ävver jän. Ich weiß nit, wie ich mich usdrücke soll. Die janze Diere op d´r Ääd laufe em Paar durch de Welt. Nur ich wor janz allein. Ich han Aape jesinn, die klein Ääpcher jemaht han. Ich han Löwe vun wiggem beluurt, wo die Kleine met de Jroße spelle kunnte. Ich han Elefante jesinn, die sich öm ne kranke Elefant jekümmert han. All wore se en Famillich. Nur ich ben die janze Zick allein durch d´r Bösch jetalp. Ich hätt janz jän en Jefährtin, die zo mir passe deit.“

Et wor lang müsjestell. Detlev stund do met d´r Kann en d´r Hand. Die Tass von Ariel leef als längs övver, ohne dat Detlev dat merke dät. Hä
kratze sich am Kopp und rückte singe Hellijesching parat. „Dat weed nit einfach. Ich bruche dofür jet Material us dingem Körper. Je anspruchsvoller du bess, je mieh bruchen ich. Wat soll ding Jefährtin dann künne?“

„Ach Här…. Ich well jo bescheiden sinn, äwwer luur mich doch an. Ich ben vöre un hinge nackisch. Ich ben ze blöd, mir Klamotte ze nihe. Ich han nie jehungert, äwwer immer nur Woozele un Beere mache ne Mann op Dor nit satt. Ich hätt jän ens jet Kleines öm mich eröm. Esu, wie bei d´r Aape. Dat wor löstisch ze luure. Koot un jot: Ich dät mich üvver en Jefährtin freu, die nihe und koche kann, un die met mir für kleine Minsche sorje dät.“

Hä schöddelte langsam un bedenklich Singe Kopp. „Leeven Adam, wat du verlangs, es nit esu einfach. Dofür bruche ich eijentlich mindestens eine Ärm vun dir.“

„Här, wat sull ich dann met nur einem Ärm op d´r Ääd anfange? Dat jeiht doch nit jot.“

„Loss mich ens simmeleere….wenn du met jet winnijer jenöchlich bes, han ich die Lösung. Su wigg ich mich erinnere kann, han ich dir op d´r räächte Sick en Repp zevell spendiert. Loss ens luure.“

Hä winkte Adam jet nöhter, öm besser sinn ze künne. „Dat möht fluppe,“ brummelte Hä. „Adam, ich schalt dich ens jrad us. Du merks nix dovun.“

Hä tuppte Adam met Singem räächte Zeijefinger medden op die Stehn. Adam stund stief wie ei Brett. Em Rubbedidupp hat Hä die üvverzällije Repp en d´r Hand. „Dat rüsch no Arbeit“, knötterte Hä für sich hin. „Dä Adam weed bass erstaunt sinn, wenn hä wach weed. Der kann doch nit jläuve, dat ich us ner einfache Repp dat Wunderding bastele kann, wat hä jän hät. Der muss nemme, wat ich ihm jevve.“

„Äwwer ich dunn, wat ich kann. Drei oder och vier Woche weed et duure. Die han jo Kaffee. Ich mache mich ens an die Arbeit.“

Ich fahre kein Auto; nur einen Smart.

Ich habe mich entschlossen, die Geschichte hier noch einmal einzustellen, um wieder ein Gefühl für sie zu bekommen.

Dann werde ich es hoffentlich endlich schaffen, das Ende zu schreiben. Für den ksta war es mir zuletzt die Mühe nicht wert.

Hä blädderte in Singem Terminkalender vun hinge no vöre un vun vöre no hinge. Dobei fehl Singe Bleck op en flöchtich hinjekrakelte Notiz: „Ääd?“ stund do ungen räächs op d´r letzte Sick.

Jesaat, jedonn. Un weil Hä praktisch denke dät, hät Er sich zoeesch ens Leech jemaat. Em Düstere brasselewor nit Sing Ding. Jetz dürft ihr ävver nit denke, dat Hä einfach op e Knöppche drücke dät, un et wör hell jewoode. D´r Elektriker wor jo och noch nit erschaffen. Dat wor vell kumplizierter. Er mot sich Millione vun dä pettite Stääncher vum Himmel plöcke un die all zo nem jroße Ball zesamme klevve. Dat es Piddelskrom. Do bruch m´r vell Jeduld. Ävver die hat Hä jo. Schlach fünf Uhr wor d´r Leeve Jott met d´r Sonn fädich. Er beluurte sich dat Ding vun alle Sigge, hät flöck noch jet drüvver poliert und dann es Hä schloofe jejange. Vürher hät Hä die Sonn natürlich usjeschalt. Er hät nit jot im Helle schloofe künne.

Un dann hät Hä die Finger flehje losse. Do wod et einem duselich beim Zoluure. Flöcker, als du Ajuja rofe kanns, wor en decke Kugel us Lehm un Stein fädisch. Jlatt wie die Plaat vun mingem Ühm. Hä beluurte sich dat Spell vun alle Sigge, schöddelte mem Kopp un brummelte sich jet en singe Baat. „Su jeht dat nit. Do rötsche mir doch die Minsche eraf….“ Hä wor janz un jarnit zefredde met sich.

Ja.